Transcription
1
Monseigneur, ayant heu advertissement que certains conseilz des vilages
2
de ce ressort se doibvent assambler au lieu de Chastilhon pour y tracter
3
certains affaires concernant le service de sa magesté, je le fis entendre
4
à monsieur le juge de ceste ville pour y avoir l’œil de son costé,
5
et affin d’empêcher toutes assamblées qu’on se pourroyt licentier
6
faire sans bonne permission ; à quoy tenant la main, ledit
7
juge il en a faict des actes que je vous envoye affin qu’il vous
8
plaise de les veoir et sur iceux me commander ce qu’il vous
9
plaira à quoy je ne fauldray d’obéyr. Au surplus, il
10
n’est rien survenu puys mes dernières lettres qui soyt digne
11
de la faire plus longue, ce qui me faict supplier le
12
Créateur qui vous doinct
13
Monseigneur en très heureuse santé très longue et heureuse vie.
14
De Dye, ce XVe décembre 1572.
15
Votre très humble et très obéyssant serviteur à jamais.
16
Monlehuc
17
Je vous envoye ce peu de gibier que j’ay peu
18
recouvrer. Suys bien marry que n’en
19
puisse recouvrer plus.
20
21